Конор Мекгрегор признава дека уште размислува дали да му дозволи на својот едногодишен син со исто име (Конор Јуниор) да биде во првиот ред за неговиот кам-бек во УФЦ против шампионот во лесна категорија Хабиб Нурмагомедов утревечер во Лас Вегас.
Конор Јуниор беше атракција на отворените тренинзи оваа недела пред УФЦ 229 во Лас Вегас, а Мекгрегор, кој вели дека е „освежен“ по доаѓањето на светот на неговото прво дете минатиот мај, дури сака да го остави покрај кафезот во можеби помалку трауматичен чин за малото дете.
„Го донесов мојот син и возбуден сум поради тоа. Уште не сум одлучил дали да биде покрај кафезот, ќе размислиме за тоа. Мојот син ќе биде шампион што и да прави. Цел ден само удира со раце и нозе. Вели ’брум, брум’, така што можеби ќе биде и тркач на автомобили. Тука сум поради љубовта кон тоа што го правам. Имам тим зад мене и подготвен сум за секој предизвик“, објасни Мекгрегор.
