Андрес Иниеста, летово, ја напушти Барселона и се пресели во Јапонија, во екипата на Висел Кобе, чии дрес од претходно го носи уште еден познат играч, Лукас Подолски.
Овие двајца играчи имаат одлична соработка на теренот. Тоа го покажаа и на натпреварот против Нагоја. Висел Кобе победи 2:1, двата гола ги постигна Подолски, а вистинско ремек-дело е целата акција која му претходеше на првиот гол.
Иниеста, опкружен од седуммина противнички играчи, му асистираше на германецот, кој со волеј удар го погоди голот.