Селекторот на младата фудбалска репрезентација на Македонија, Добринко Илиевски, рекол дека е задоволен од противниците што националниот тим ги добил во квалификациите за пласман на Европското првенство во 2021 година.
Младата селекција партиципира во Групата 6 заедно со Шпанија, Израел, Црна Гора, Казахстан и Фарски острови.
„Задоволен сум од групата во која се најдовме за пласман на Европското првенство, но истовремено и многу внимателен. Противниците, со исклучок на Шпанија, не се атрактивни, но секако имаат квалитет и ќе ја бараат својата шанса за добар пласман. Шпанија е апсолутен фаворит, со сите други ќе се надигруваме. Треба да бидеме во најдобро наше издание доколку сакаме борба за добар пласман, а тоа секако ќе биде наша цел“, изјавил селекторот на Македонија до 21 година.
Квалификациите ќе започнат во септември 2019 година, а ќе завршат во октомври 2020 година.
10. септермври 2019: Македонија- Фарски острови
10.октомври 2019: Црна Гора-Македонија
15.октвомри 2019: Македонија-Казахстан
14.ноември 2019: Шпанија-Македонија
19.ноември: Фарски острови-Македонија
26. март 2020: Македонија-Израел
31. март 2020: Израел-Македонија
8. септември 2020: Македонија – Шпанија
8. октомври 2020: Казакхстан – Македонија
13. октомври 2020: Македонија – Црна Гора