Селекторот на ракометната репрезентација на Данска, Николај Јакобсен, по првиот натпревар на Светското првенство беше приморан да ја направи првата промена во составот.
Ко-домаќинот на Мундијалот, Данска, во првото коло го декласира Чиле со 39:16, а на тој меч се повреди Ханс Линдберг, еден од најдобрите играчи во тимот.
Во стручниот штаб се надеваат дека десното крило ќе ја залечи повредата и ќе биде подготвен за настап во завршната фаза на турнирот.
„Треба да мирува за да биде подготвен за предизвиците кои престојат“, објавија од Ракометниот сојуз на Данска.
Покрај Линдберг Данците на позицијата десно крило го имаат и играчот на Фленсбург, Ласе Сван Хансен.