Му се бројат деновите на Марсело во Реал. Левиот бек кој ја игра 12 сезона на „Сантијаго Бернабеу“, ја игра најлошата сезона во кариерата. Поразително за него звучи податокот дека со него во тимот Реал на девет натпревари забележал само две победи.
Бразилецот, од страна на навивачите и стручњаците е посочен како главен виновник за нерешениот резултат против Барселона во Купот на Шпанија (1:1) и за вчерашниот пораз од Џирона во Мадрид (1:2).
Во клубот се смевни дека Марсело повеќе не е мотивиран како во претходните сезони, а и на сите им е јасно дека тој никогаш и не бил добар дефанзивец, иако е лев бек.
Поради тоа во клубот подготвиле листа на потенцијални замени. Петмина се во конкуренција за местото на Марсело, кој по завршувањето на сезоната би требело да се пресели во Јувентус кај пријателот Кристијано Роналдо.
Медиумите шпекулираат дека еден од овие петмина, во летниот преоден рок ќе стане играч на Реал: Давид Алаба (Баерн Минхен), Маркос Алонсо (Челси), Бенжаман Менди (Манчестер сити), Рафаел Гереро (Борусија Дортмунд) и Алекс Сандро (Јувентус).