Иднината на Хамес Родригез ќе ја одлучува Баерн Минхен и тренерот Нико Ковач и покрај желбата на колумбиската ѕвезда да се врати во Реал Мадрид на крајот на сезоната.
Претседателот на Баварците, Ули Хенес вели дека Ковач мора да биде советуван за прашањето на Хамес, кој е во Германија како позајмен фудбалер и дека тој ќе мора да ја прифати таа ситуација.
„Опцијата за продолжување е достапна до средината на мај. Ако решиме да ја искористиме, тој ќе мора да остане. Зависи од тоа што сака Ковач и дали го сака во составот“, вели Хенес.
Баерн можат да решат да го откупат договорот на Колумбиецот за 42 милиони евра од Реал Мадрид, а одлуката можат да ја направат до 15 јуни.