Реал Мадрид го доживеа најтешкиот пораз во евролигашката историја, откако загуби од Басконија 105:75.
Басконија до втората победа во сезоната стигна благодарение на неверојатната прва четвртина (36:17). Тимската игра беше заштитен знак на Басконија, сите играчи се запишаа во листата на стрелците, а петмина постигнаа двоцифрен број на поени. Родриг Бобуа со 15 беше најефијасен кај домаќинот.
Жалирис во драматичен финиш ја победи Уникаха во Малага 85:83. Уникаха во финишот на мечот успеа да ја анулира предноста на гостите и да избори продолженија, со поените на Мекалум постигнати на две секунди до крајот. Сепак гостите во продолжението стигнаа до победата. Пангос беше најефикасен кај Жалгирис со 21 поен, додека на спротивната страна Мекалум уфрли 19 поени.
Ефес победи во Тел Авив 92:72, додека Панатинаикос го декласира Химки со 93:65.