Саботната програма во 30 коло, во Премиер лигата, ја затворија фудбалерите на Манчестер сити со победата над Вотфорд 3.1. Блескаше стрелецот на головите за „граѓаните“, Рахим Стерлинг.
Сити имаше четири добри шанси во првото полувреме, меѓутоа Стерлинг, Зинченко, Марез и Агуеро не успеаја да го совладаат Бен Фостер.
Во второто полувреме Стерлинг во интервал од 13 минути постигна три гола и го реши победникот. Првиот гол е играчите на Гвардиола го добија на подарок од судијата Пол Тирни. На голот му претходеше офсјад.
По голот во 46 минута, Стерлинг погоди и во 50, односно 59 минута.
Гостите почесниот гол го постигнаа во 66 минута кога Дини му асистираше на Деулофеу. Капитенот на Вотфорд, Дини, учествувал во постигнувањето на последните десет гола на својот тим.
По некомплетното коло Сити имаат четири бода повеќе од Ливерпул, додека Вотфорд се на осмото место. Ливерпул утре ќе го пречека Барнли.