Реал Мадрид не кријат дека се заинтересирани за најдобриот фудбалер на Челси, Еден Азар. Исто така и Белгиецот флертува со „кралскиот клуб“, со изјавите дека уште како дете сонувал да игра во белиот дрес.
Азар е еден од омилените играчи на Зинедин Зидан, повратникот на клупата на Реач. Најдобриот играч на Челси треба да биде еден од главните играчи во новиот Реал на Зидан.
Белгиецот има договор до јуни 2020 година, што значи дека летниот преоден рок ќе биде последна можност Челси да заработи големи пари од неговиот трансфер.
Според медиумите, од Реал веќе ја испратиле првата понуда за Азар, од 82 милиони евра, која експресно била одбиена.
Се претпоставува дека од Реал само го „испитуваат пулсот“ и дека во наредниот период ќе испраќаат понуди за Азар.