Неверојатната партија на Џоел Ембид, Леброн Џејмс, тандемот на Торонто Репторс и катастрофалниот пораз на Сакраменто Кингс ја обележаа ноќта во НБА лигата.
Џоел Ембид влезе во високото друштво онамо каде што е и легендата на Филаделфија Џулијус „Др Џеј“ Ирвинг. Ембид ја предводеше Филалдлефија до победата во Лос Анџелес над Лејкерси 115:109 со 46 поени, 15 скока, 7 асистенции и исто толку блокади.
Леброн Џејмс уфрли 31 поен во победата на Кливленд Кавалирс над Шарлот Хорнетс 115:107.
Во исклучително ефикасен натпревар Торонто Репторс победи во Њу Орлеанс 125:116. Двоецот Кајл Лаури-Демар Дерозан беше назапирлив за одбраната на Пеликанс. Лаури заврши со 22 поени, 11 скока и 9 асистенции, а Дерозан забележа 25 поени, 9 скока и 6 асистенции.
Карл-Ентони Таунс ја предводеше Минесота до шеттата победа на последните шест натпевари. Таунс во победата над Сан Антонио 98:86 забележа 26 поени и 16 скока.
Антланта Хокс ги декласира Сакраменто Кингс 126:80. Втората четвртина Атланта ја доби со 40:19. Денис Шрудер постигна 21 поен, а Двејн Дедмон оствари 20 поени и 14 скока.
Мајами Хит немаше решениа за Џон Вол и Бредли Бил и загуби од Вашингтон Визардс 93:102. Вол постигна 27 поени, а Бил еден помалку.
НБА, резултати:
Атланта Хокс-Сакраменто Кингс 126:80
Мајами Хит-Вашингтон Визардс 93:102
Њујорк Никс-Јута Џез 106:101
Шарлот Хорнетс-Кливленд Кавалирс 107:115
Мемфис Гризлис-Индијана Пејсерс 113:116
Милвоки Бакс-Детроит Пистонс 99:95
Минесота Тимбервулвс-Сан Антонио Спарс 98:86
Њу Орлеанс Пеликанс-Торонто Репторс 116:125
Оклахома Тандер-Чикаго Булс 99:94
ЛА Лејкерс-Филалделфија 109:115