Кошаркарот на Реал Мадрид, Руди Фернандез, му донесе победа на својот тим над Панатинаикос (74:73), со неверојатната тројка што ја постигна во последната десетинка. Тој вели дека бил изненаден што воопшто го погодил кошот.
„Веројатно е ова најдобриот кош што сум го постигнал во животот. Сега се сетив и на кошот што го постигнав како играч на Хувентуд против Уникаха, исто така во Евролигата. Исто беше 0,1 секунда до крајот, но овај кош е подобар.Видов дека Кампацо има проблеми со организацијата, се обидев да створам нова шанса. Ваков шут влегува еднаш од сто обиди“, рекол Фернандез.
Во пресрет на последното коло во Евролигата, во регуларниот дел од сезоната Реал со скор од 22 победи и седум порази се наоѓа на третото место на табелата.
Have you ever seen ANYTHING like that?@rudy5fernandez wins it with a PRAYER at the buzzer.#7DAYSMagicMoment pic.twitter.com/2YczKHfhiU
— Turkish Airlines EuroLeague (@EuroLeague) March 28, 2019