Во историскиот прв меч во Лига 1 меѓу Амиен и Монако немаше победник, откако Монако не успеа да се доближи на само поен од лидерите Пари Сен-Жермен во 13. коло во француската лига.
Последен пат двата тима се сретнаа во сезоната 2012/13, кога играа во втората француска лига, но сега ситуацијата беше поинаква – Амиен е „новодојденец“ во Лига 1, додека Монако е актуелен шампион. Амиен доминираа во првото полувреме за во 31. минута од мечот да дојдат во предност преку Серж Гакпе, додека Монако израмнија во 67. минута преку Црногорецот Стеван Јоветиќ.
Во вториот денешен француски меч, Лил ги изненади Сент Етјен со 3:1 за да излезе од зоната на испаѓање.