Менаџерот на Манчестер сити, Пеп Гвардиола уште еднаш повторно дека е „невозможно“ неговиот тим да ја помине целата сезона во Премиер лигата без пораз, откако со 2:1 победата над Хадерсфилд во неделата го имаат најдобриот старт во историјата на ПЛ.
Сити имаат освоено 37 поени од можните 39 оваа сезона и немаат пораз во 26 меча во сите натпреварувања, низа која трае од минатата сезона. И покрај ова, Гвардиола вели дека неговиот тим нема да го повтори успехот на Арсенал од 2003/04 и да ја заврши сезоната без пораз.
„Сигурно ќе загубиме. Против Хадерсфилд бевме блиску до пораз. Со еден натпревар неделно, можеш да не губиш многу поени, но со три натпревари во неделата и четири натпреварувања… Невозможно. Кога ќе се случи тоа, сакам да ја видам вашата реакција. 18 победи во низа се доволно импресивни, вклучувајќи 11 победи во Премиер лигата. Се наоѓаме во добар момент и најдобро да уживаме во ова“, вели Гвардиола.