Иако сезоната е долга, калчолигашот Интер по 14 одиграни натпревари во Серија А ја истакна кандидатурата за освојување на скудетото.
Новиот тренер Лучано Спалети ја најде добитната комбинација, во тимот владее одлична атмосфера и барем во овој дел од сезоната Интер игра беспрекорно.
Спалети и неговиот тим се без пораз, имаат забележано 11 победи и на табелата се само два бода оддалечени од лидерот Наполи.
Сепак, не се баш сите новинари во Италија импресионирани од Интер. Еден од нив му постави на Спалети прашање по победата на Интер во Каљари 3.1.
„Перишиќ направи фаул кај последниот гол на Интер, а денес Каљари беше подобар тим“, му се обратил новинарот на тренерот на Интер.
„Се извинувам, но бидејќи гледаш како да си во темница, ќе мораш да го тргнеш слонот пред тебе кој ти го блокира погледот“, луто одговори Спалети.
Интер во наредното коло ќе игра против Киево.