Макс Ферстапен никако да ја врати формата од минатата сезона, откако на третиот слободен тренинг пред квалификациите во Монако успеа да го „здроби“ својот Ред бул, додека неговиот колега Даниел Рикјардо беше најбрз.

Од Ред бул многу се очекува на трката низ тесните улици на малото кнежевство, но сега е прашање на време, односно дали механичарите на Ред бул ќе успејат да го поправат болидот до стартот на квалификациите. Ова не е првпат оваа сезона, Ферстапен да направи ваков непромислен потег.