Третиот тренинг, во пресрет на трката за Големата награда на Азербејџан, му припадна на возачот на Алфа Таури, Пјер Гасли. Во финишот на трениг-сесијата, францускиот возач го извозе најбрзиот круг, 1:42.251.
Случувањата на третиот тренинг се добра најава за возбудливи квалификации. Најдоминантниот тим изминатите неколку сезони, Мерцедес, имаше големи проблеми. Во еден дел од тренингот, Луис Хамилтон и Валтери Ботас беа на 17 и 18 место, зад нив беа само двајцата возачи на Хас, Мик Шумахер и Никита Мазепин.
Хамилтон, во последната минута од тренингот, успеа да се искачи на третото место, зад Гасли и Серхио Перез од Ред Бул, додека Ботас заврши на 13.место, со 1,3 секунди послабо време од резултатот на Гасли.
Зад Хамилтон се најдоба возачите на Ферари, Шарл Леклер и Карлос Саинц, а меѓут најдобрите десет завршија Ландо Норис (Мекларен), Фернандо Алонсо (Алпин), Јуки Цунода (Алфа таури), Естебан Окон (Алпин) и Даниел Рикардо (Мекларен).
Лидерот во генералниот пласман, Макс Ферстапен, третиот тренинг го заврши на 15.место. Холанѓанецот, по 30 минути удри во заштитната ограда и повеќе не се врати на патеката.
Квалификациите за трката на Големата награда на Азербејџан ќе се возат во 14 часот.
