Францускиот возач Роман Грожан ќе се врати зад воланот на болид во Формула 1 – првпат по драматичната несреќа која имаше на трката за Големата награда на Бехреин минатата година.
35-годишникот идниот месец ќе го тестира возилото на шампионот Луис Хамилтон од 2019 година на патеката „Пол Рикар“.
Бегството на Грожан од запалениот болид на Хас го привлече вниманието на целиот свет во ноември минатата година, а возачот роден во Женева имаше голема среќа што помина само со изгореница на дланката. Во последните две трки од минатата сезона не настапи, па ја заврши Ф1 кариерата со 179 стартови и 10 подиуми.
Сепак, првиот човек на Мерцедес – Тото Волф го повика Грожан на соработка, па тој на 29. јуни на посебно организирано тестирање ќе го вози болидот на Хамилтон, точно 7 месеци по инцидентот кој го имаше во Бахреин.
Во текот на тркачкиот викенд ќе вози таканаречен „demo run”, а потоа ќе има можност да извози неколку парадни кругови.
Грожан сезонава се натпреварува во Индикар серијата за Дејл Којн Рејсинг, а во Ф1 настапуваше за тимовите на Рено, Лотус и Хас.
IT'S HAPPENING!
Next month, Romain Grosjean will get behind the wheel of an F1 car for the first time since his crash in Bahrain
He will drive Lewis Hamilton's title-winning Mercedes W10 in a demo run at the #FrenchGP, then in a full test day#F1 @RGrosjean @MercedesAMGF1 pic.twitter.com/m6Wxi6GsJs
— Formula 1 (@F1) May 5, 2021