Четирикратниот светски шампион Луис Хамилтон не заборави на легендата Михаел Шумахер, објаснувајќи дека и четири години под неговата несреќа, тој уште се моли за седумкратниот шампион.
Шумахер доби сериозни повреди на главата при пад на скијање во Мерибел на Француските Алпи во декември 2013 година, по што беше на две операции и долго време беше во медицински индуцирана кома. Хамилтон никогаш не ја криел почитта кон легендарниот Германец, велејќи дека тој му е најголемата инспирација во кариерата покрај Аиртон Сена.
„Михаел, тоа што го израмнив твојот рекорд по бројот на пол-позиции во Белгија оваа година ми значеше толку многу и ми претставуваше вистинска чест. Постојано се молам за тебе и твоето семејство. Продолжи да се бориш, Михаел“, напиша Хамилтон на Твитер.
Шумахер исто така го делеше високото мислење за Британецот кога тој се појави на Ф1 сцената во 2007 година. По кам-бекот со тимот на Мерцедес, Шумахер замина во пензија во 2012 година и на негово место во „Сребрената стрела“ дојде токму Хамилтон.
Michael, equalling your pole position record in Belgium this year meant so much to me and was a true honour. Praying for you and your family all the time #KeepFightingMichael #Legend ? @schumacher pic.twitter.com/iUTCoUyWsd
— Lewis Hamilton (@LewisHamilton) December 17, 2017