Мекларен објавија интересно видео на социјалните мрежи збогувајќи се со Карлос Саинс Јуниор, кој од следната година ќе вози во Ферари.
Во пораката, која ја кажуваат членови на Мекларен на италијански јазик, тие потсетуваат на славните битки на двата најтрофејни Ф1 тимови и им порачуваат да внимаваат на нивното момче.
„До нашите пријатели во Скудерија Ферари и славните тифози, денеска ви праќаме посебна порака. Вие бевте и сте меѓу нашите најстари и најлути ривали. Ја почитуваме вашата историја, како и нашата и подготвени сме за секоја битка со црвениот тим. Мекларен и Ферари се како два спротивни пола кои се привлекуваат. Вие сте и противник и пријател и затоа имаме огромна почит кон вас. Во овој период на празници, ви праќаме подарок. Го чувавме две години и му помогнавме да расте. Сега, е ваш ред. Чувајте го, како што ние го чувавме. Ќе се видиме следната година на патеката. Чао и Честит Божиќ“, се вели во пораката.
Додека Мекларен успешно стигна до третото место во генерален пласман, а Саинс го имаше најдобриот пласман цела сезона со второто место во Монца, Ферари беа само шести и се мачеа за топ 10 пласман цела сезона.
? A message to our friends at @ScuderiaFerrari and to the famous tifosi.
?? ?? ????????? ?? ?????? ????? ?? ???????? ??????? ? ?? ???? ?????? ??????.#AdiosCarlos ? pic.twitter.com/B24NYpzOgF
— McLaren (@McLarenF1) December 16, 2020