Нова сезона, големи амбиции. Тоа како да е мотото на тимот на Ред бул, кој го презентираше својот нов впечатлив болид, РБ14 со нови бои и со одличен изглед, иако е привремен.

Тимот кој по партнерството со Астон Мартин сега се нарекува Астон Мартин-Ред бул-Таг хојер, својата постојана шасија ќе ја покаже на тестирањето во Барселона. Сепак, невообичаениот дизајн, кој мора да ги задоволи вљубениците во Ф1, останува, а амбициите за борба со Мерцедес и Ферари (а можеби и Мекларен) за победи на секоја трка.

Оваа сезона најголемо внимание на болидите секако ќе биде „ореолот“ или „хејло“, системот за заштита на главата и вратот на возачите, и која доаѓа над главата на возачот, но големи промени во аеродинамичките правила не постојат, и затоа Ред бул рано оди со промоција.

Ред бул РБ14 повозе неколку кругови на патеката Силверстоун, со Даниел Рикјардо во водство на сесијата за снимање на реклами.