Поранешниот португалски фудбалски стратег Андре Вилјаш-Боаш го заврши учеството на релито Дакар. Португалецот за време на четвртата етапа имал судар поради што е хоспитализиран.
Поранешниот тренр на Академика, Порто, Тотенхем, Челси, Зенит и Шангај СИПГ, минатиот август ја изненади спортската јавност кога реши да ја прекина успешната кариера во фудбалот и да се префрли во автомото спортот.
На легендарното рели Дакар тој возеше „Тојота Хилукс“, а негов совозач беше Рубен Фарија.
Вилјаш-Боаш за време на етапата од Сан Хуан де Макрон во Перу, со својот автомобил удрил во песочна дина, а потоа поради болите во грбот морал да биде хоспитализиран.
„Андре заврши в болница поради повреда на грбот. Неговиот настап на релито Дакар беше добар, но тој немаше среќа“, рекол директорот на „Тојота Овердрајв тим“, Жан-Марк Фортан.
Andre Villas-Boas’ #DakarRally debut ended in the fourth stage after the former Chelsea and Tottenham manager was taken to hospital following a crash. #ZiSport pic.twitter.com/UGH7aL0bu6
— ZiFM Sport (@ZiFMSport) January 10, 2018
Релито Дакар годинава се од Лима во Перу низ Боливија и Аргентина, каде ќе заврши откако ќе бидат извозени 14 етапи. Целта е во Кордоба.
По четири етапи кај автомобилит води Стефан Петерхансел (Пежо), пред клупскиот колега Себастијан Леб и уште еден од тимот на Пежо, Карлос Саинц.
Во конкуренција на мотори води Андријен ван Беверен (Јамаха), а го следат Пабло Квинтанила (Хускварна) и Кевин Бенавидес (Хонда).