Фудбалерите на Ајнтрахт Франкфурт во голема форма го одиграа финишот на есенскиот дел од сезоната. Против Мајнц, Ајнтрахт ја запишаа седмата победа на последните осум натпревари.
Ајнтрахт го совладаа Мајнц со голот на Линдстром во 35.минута. Со оваа победа фудбалерите од Франкфурт се доближија на еден бод од третопласираниот Баер Леверкузен.
Баер, со натпревар помалку го дели третото место со Хофенхајм. Екипата на Хофенхајм, со гол во 91.минута избегна пораз од Борусија Менхенгладбах. Акпгума го поништи водството на Менхенгладбах кое им го донесе Емболо.
Унион Берлин со голот на Крузе во 16.минута забележа победа во Бохум.
Лајпциг непријатно ги изненади своите навивачи. „Биковите“ загубија од претпоследно пласираната Арминија. Головите во Лајпциг ги постигнаа Сера и Окугава.