Лацио ја заврши 2019 со голема победа над Јувентус во финалето на италијанскиот Суперкуп (3:1) во Саудиска Арабија со што станаа единствениот тим кој стигнал до две победи над италијанскиот шампион оваа сезона.
Секако, ова ги подгреа амбициите на „бјанкочелестите“ дека е можен обид да се освои титулата, посебно бидејќи покрај Интер, тимот на Симоне Инзаги е најсериозниот конкурент оваа сезона. Луис Алберто, еден од креаторите на овој успех тврди дека треба да се остане реален.
„Да се освои титула против Јувентус е одлично, но најзаслужен за ова е Симоне Инзаги. Веруваме во него и знаеме дека оваа сезона можеме да го кренеме нивото до крајот на сезоната. Скудето? Не, не е реално да размислуваме за тоа. Треба да заборавиме, да се фокусираме на секој следен меч и на крај да го заддржиме победничкиот менталитет. Научивме од нашите грешки во минатото и нема да ги повториме“, вели Шпанецот.