Тренерот на Јувентус, Масимилијано Алегри ја одбил понудата од Манчестер јунајтед да биде заменик на Жозе Мурињо, јавува италијанскиот „Калчомеркато“.
Јунајтед наводно му понудиле на Италијанецот тригодишен договор вреден 9 милиони евра, вклучувајќи и буџет за трансфери од фантастични 200 милиони евра, во обид да го натераат Алегри да си замине од Јувентус, каде што има фантастичен успех.
Алегри бил поласкан од понудата и одговорил дека по Јувентус, Јунајтед е неговиот втор избор, а во целиот обид наводно се вклучил и Сер Алекс Фергусон, кој лично изјавил дека италијанскиот тренер е еден од најдобрите на светот.
Сепак, Алегри се одлучил да одговори на предизвикот со Јуве и да се обиде да ја донесе толку посакуваната титула од Лигата на шампиони, така што секој трансфер би се случил следното лето.
Фото: ЕПА