Трофејниот тренер Карло Анчелоти во петокот беше именуван за нов тренер на Евертон.
Анчелоти со „карамелите“ договорил четири и пол годишна соработка. Иако финансиските детали од договорот не се објавени, Англичаните тврдат дека тој ќе заработува четири милиони евра по сезона.
Италијанецот неодамна доби отказ во Наполи, а за англиските медуми рекол дека веднаш ја прифатил понудата на Евертон.
„Секогаш сакав да се вратам во Премиер лигата, најдобра е во светот“, рекол Анчелоти.
Интересно Анчелоти нема убави спомен од „Гудисон парк“.
„Челси ми врачија отказ на овој стадион, во ходникот. Можеби би требало тука да стават една мала плочка со натпис: „Тука е отпуштен Карло“, шеговито раскажал Анчелоти.
Челси го отпуштија Карло Анчелоти на 22 мај 2011 година по поразот од Евертон (1:0).
Анчелоти во кариерата освоил 18 трофеи, освојувал шампионски титули во Италија (Милан), Англија (Челси), Франција (ПСЖ) и Германија (Баерн). Два пати со Милан и еднаш со Реал Мадрид победил и во Лигата на шампионите.