Англискиот шестолигаш Нанитон таун ангажираше човек кој им вети дека ќе ги одведе во Лигата на шампионите. Но, само на видео-играта „Фудбал Менаџер“.
Тимот од Националната лига-север, го ангажираше блогерот Кевин Чепмен како „официјален менаџер во видео-играта“, и тоа (неверојатно) по борба со локалниот ривал Алфретон таун за неговите услуги.
„Ова е лудо. Никогаш претходно не сум зборувал со никого од клубот, а сега сум тука. Објавив видео во кое ги прашав луѓето кој тим треба да го менаџирам, бидејќи сакам да ги одведам до Лигата на шампионите. Избрав тим кој е географски блиску до моето место на живеење и изборот падна на Нанитон или Алфретон. Многу бргу, Нанитон ме контактираа и побараа да бидам нивни играч“, вели 35-годишниот Чепмен.
Иронично, Нанитон по оваа објава, дадоа уште едно соопштение во кое потврдија дека бараат нов менаџер за нивниот вистински тим.
#KingKev | The club is delighted to announce Kevin Chapman as the club’s Football Manager 2018 manager. #BackingTheBoro
?⚽️? pic.twitter.com/yUHc8bzxt0— Nuneaton Town FC (@Official_NTFC) November 8, 2017