Селекторот на фудбалската репрезентација на Аргентина, Лионел Скалони, утрово бил повреден во сообраќајна несреќа.
Како што објавија шпанските медуми, на Балеарските острови, 40-годишникот возел велосипед кога во него удрил автомобил. Несреќата се случила на училишен паркинг.
Скалони веднаш бил хоспитализиран, а „Мундо Депортиво“ демантира дека се наоѓал во тешка состојба. Каталонскиот весник повикувајќи се на извори од болницата пишува дека неговите повреди биле „со благ и умерен интензитет“.
Лионел Скалони е именуван за селектор на Аргентина по завршувањето на СП во Русија. Тој на функцијата го наследи Хорхе Сампаоли. Во јуни, Аргентина ќе настапи на Копа Америка.
Инаку, Скалони е член на шампионската генерација на Депортиво Ла Коруња, од сезоната 1999/2000.