Аугзбург со победа кај Келн излезе од зоната за испаѓање

Аугзбург стигна до важна 0:2 победа кај Келн во првиот меч од 15. коло во Бундеслигата, освојувајќи три поени со кои барем привремено излезе од зоната за испаѓање во германската елита.

Трите поени беа освоени доцна во второто полувреме – Андре Хан во 72. минута ги донесе гостите во водство, пред Никлас Дорш во 88. минута да ја запечати победата.

Аугзбург сега се на 14. место на табелата со 16 поени, два над зоната за испаѓање, додека Келн остануваат деветти со 19 поени.