Македонија дојде до заслужено 1:0 водство во вториот меч од квалификациите за Еуро 2024 година, откако Енис Барди беше прецизен од белата точка во 30. минута од мечот.
Иако Украина пристигна како фаворит во Скопје, во поголемиот дел од првото полувреме, Македонија беше во иницијатива, што се исплатеше во 30. минута, кога по игра со рака во шестнаесетникот, со помош на ВАР системот доби заслужено пенал, кој Барди сигурно го реализираше.