Со гол во 81. минута на замената Сем Воукс, Барнли стигна до гостинска победа од 0:1 над Саутемптон на „Сент Мерис“ за изненадувачки да се искачат на шестото место во Премиер лигата.
Воукс дојде пред бекот на Саутемптон Маја Јошида за нафрлувањето на Јохан Гудмундсон да го стави во мрежата на домаќините, за да обезбеди неверојатна статистика – „кларетс“ немаат пораз на гости оваа сезона. Тимот на Шон Дајч го издржи притисокот од домаќините во финишот на мечот, за импресивна победа.
Њукасл пак, доживеа шокантен пораз од Бурнемаут исто така со доцен гол, откако дефанзивецот Стив Кук постигна гол во 93. минута од мечот на „Сент Џејмс парк“. Тимот на Рафа Бенитез пропушти многубројни шанси во мечот преку Мет Ричи и Кристијан Ацу, но на крајот продолжуваат променливите игри на Њукасл.
ПРЕМИЕР ЛИГА
Хадерсфилд – ВБА 1:0
Њукасл – Бурнемаут 0:1
Саутемптон – Барнли 0:1
Свонси – Брајтон 0:1