Барселона ќе се обидат да се договорат со Манчестер сити за позајмица на Рахим Стерлинг веќе во јануари, тврди каталонскиот „Спорт“.
Стерлинг не е редовен стартер кај Пеп Гвардиола оваа сезона, а во Барселона ќе му понудат далеку повисока минутажа. Според каталонскиот весник Стерлинг е подготвен да игра со својот поранешен соиграч Серхио Агуеро на „Ноу Камп“ и покрај тоа што силата на овој тим на Барселона е далеку од нивото на кое сме навикнати да ја гледаме.
26-годишниот Стерлинг имаше одличен настап со Англија на Европското првенство, но досега во петте меча во Премиер лигата на Сити, беше стартер само за првиот меч против Тотенхем во август.
