Барселона се надева дека Тотенхем ќе успее да го убеди Клемен Ленгле да замине во премиерлигашот ова лето, за да почне летната „чистка“ во каталонскиот клуб, тврди „ЕСПН“.
Тотенхем и Барселона подолго време се во преговори околу Французинот, на кого Барса не сметаат следната сезона, и иако би преферирале постојан трансфер, ќе се задоволат и со позајмица за да заштедат на платите за фудбалерите. 27-годишниот Ленгле неколку преодни рокови одбиваше да замине од Барселона, но откако јасно му беше порачано од тренерот Чави Ернандез дека не е во неговите планови.
Барса веќе имаат устен договор со Андреас Кристенсен од Челси на слободен трансфер, Роналд Араухо неодамна го продолжи договорот, а се очекува и Жил Кунде од Севилја да пристигне ова лето. Покрај Ленгле, и Самуел Умтити и Оскар Мингуеза се „непожелни“.