Барселона по повлекувањето од саботниот меч против Јувентус поради вирусот кој го зафати „поголемиот дел“ од тимот, уверува дека дуелот против Арсенал во Лос Анџелес ќе се одигра.
„ФЦ Барселона ги охрабрува фановите да уживаат во мечот кој ќе го играме во среда против Арсенал на ‘СоФи’ стадионот во Лос Анџелес. Двата клуба се во контакт и сигурни сме дека мечот ќе се одржи според планот“, велат од клубот.
Шпанските медиуми тврдат дека клубот загубил приход од 2 милиони евра поради откажувањето на мечот против Јувентус, пари кои му се насушно потребни на каталонскиот гигант. Арсенал веќе имаат три меча од пред-сезоната за разлика од Барселона – одиграа 1:1 со Нирнберг, го победија Ол-стар тимот на МЛС лигата со 5:0 и вчера загубија од Манчестер јунајтед со 2:0.
FC Barcelona would like to encourage its fans to attend and enjoy the game we are going to play this Wednesday against Arsenal at SoFi Stadium in Los Angeles. Both teams are in close contact and we both have the utmost confidence that our game will go on as planned. pic.twitter.com/DmdfwSglSi
— FC Barcelona (@FCBarcelona) July 22, 2023