Барселона потврди дека го обезбедила потписот на албанскиот фудбалер Реј Манај од Албасете за 700.000 евра, а поранешниот напаѓач на Интер и голема надеж на албанскиот фудбал склучи договор до јуни 2023 со откупна клаузула од фантастични 50 милиони евра. 22-годишниот Манај ќе игра за Барселона Б во шпанската трета лига.

Откако ја започна својата професионална кариера со Кремонезе, Манај потпиша за Интер, но имаше само шест настапи во четири години, а беше позајмуван и во Пескара, Пиза и Гранада, каде што вкупно постигна само 5 гола во 50 настапи.

Тој дојде во Албасете во јули 2018 и ја врати својата репутација со 10 гола во 41 настапи за шпанскиот второлигаш, а сега ќе мора да ги импресионира луѓето во Каталонија за да биде префрлен во првиот тим.