Фудбалерите на Барселона со пресврт успеаја да го совладаат Рајо Валјекано (3:1) и да ја задржат предноста од седум бода во однос на Атлетико Мадрид. Солиден настап за гостите од Мадрид имаше македонскиот репрезентативец Столе Димитиревски.
Играчите на Рајо на „Ноу Камп“ не играа бункер, со отворена игра решија да му се спротивстават на фаворитот и таквата определба им донесе водство во 24 минута.
Раул де Томас во соло акција со прецизен удар од 18 метри успеа да го совлада Тер Штеген. Израмнувањето дојде 16 минути подоцна, кога по центаршутот на Меси, Пике ја закова топката во голот на Димитриевски.
Барса го комплетираше пресвртот во 59 минута со голот на Меси од пенал, а точка на мечот стави Луис Суарез по одличната тимска акција.
Барселона на чело на табелата има 63 бода, седум повеќе од Атлетико и 15 од Реал кој има и натпревар помалку. Рајо Валјекано го забележаа шестиот пораз во низа и се наоѓаат на претпоследното место на табелата.