Претседателот на Барселона, Жосеп Марија Бартомеу инсистира дека „Усман Дембеле е подобар од Нејмар“ откако беше запрашан дали е можно бразилската суперѕвезда да се врати на „Ноу Камп“.
Од моментот кога замина од Барселона, околу Нејмар се врзаа голем број на шпекулации дека сака да се врати кај каталонските гиганти, и Бартомеу повторно беше запрашан при интервјуто за радиото „Кадена СЕР“, и тој наместо тоа го испофали 21-годишниот Дембеле, кој беше купен од Борусија Дортмунд веднаш по заминувањето на Нејмар во летото 2017 година.
„Нема да кажам да или не. Ќе кажам дека со тие пари Барселона направи спортски облог. Отидовме по фудбалери како Дембеле и Кутињо. Дембеле е многу подобар од Нејмар. Тој е во Барса и е подобар“, вели Бартомеу посочувајќи го чекот од 222 милиони евра кои го добија од Пари Сен-Жермен за Нејмар.