Милан вчера доживеа еден од најтешките порази во Серија А. Славниот клуб претрпе дебакл во Бергамо од Аталанта (5:0). По мечот никој од таборот на Милан не бил расположен за давање изјави.
Пред новинарите се појавил спортскиот директор Звонимир Бобан кој само го кажал она што спортскиот свет го гледа, Милан се очајни изминатите два месеци.
„ Ужас, ова не може да биде Милан. Знам дека не можеме за шест месеци или една година да го вратиме оној Милан на Берлускони но мораме да напредуваме. Изминатите два месеци беа очајни, а сега дојде и овој пораз…Мораме да се разбудиме. Ова нема да биде убав Божик за нас“, рекол Бобан.
Поранешниот играч на Милан рекол дека клубот ќе биде активен во јануарскиот преоден рок, потенцира дека повеќе не смее да се повторни катастрофата од Бергамо.
„Сигурно е дека ќе мораме да се засилиме на одредени позиции. Оваа екипа е млада, но таква е клупската политика. Сакаме да бидеме конкурентни, знаеме дека тоа не може да се случи преку ноќ и дека е потребно време“, заклучил Бобан.
Спортскиот директор потенцирал дека тренерот Стефано Пиоли ја има поддршката од клупските челници.