Борха Мајорал постигна два гола за да ги предводи Хетафе до 2:0 победа над Мајорка при рестартот на шпанската Ла лига, прекинувајќи ја низата од четири меча без пораз на клубот од Балеарските Острови.
Поранешниот талент на Реал Мадрид, кој се обидува да ја врати кариерата на вистински пат со Хетафе, беше постојана опасност пред голот на противникот, отварајќи го резултатот во 51. минута, за во 78. минута да стави крај на сите надежи за камбек на гостите.
Хетафе, за кои ова е прва победа по три меча, сега се на 13. место со 17 поени, додека Мајорка останува 11. со два поени повеќе.
Standings provided by Sofascore