Челси и Ливерпул покрај Наполи се најзаинтересираните клубови за уште еден норвешки талент, фудбалерот од средниот ред на белгискиот Генк, Сандер Берге.
Генк уште не добиле понуда за 21-годишниот Берге, но фудбалерот од средниот ред најверојатно ќе замине наскоро со само 18 месеци од неговиот сегашен договор. Спортскиот директор на клубот, Димитри де Конте неодамна призна дека има голем интерес за фудбалерот.
„Наполи одамна се заинтересирани за Сандер, а знаеме дека и Ливерпул преку Јирген Клоп беа импресионирани по мечот од Лигата на шампионите. Засега немаме понуди, но тоа може бргу да се смени“, изјави Де Конте.
Генк имаат солидна врска со Челси, откако претходно од нив ги купија Кевин де Бројне и Тибо Куртоа. Берге, кој има 20 настапи за норвешката репрезентација, има големо искуство и покрај неговата возраст.