Челси се подготвени да почнат преговори со Јувентус за потенцијална „трампа“ за Душан Влаховиќ, со која италијанскиот клуб би добил дури пет играчи за 23-годишниот српски напаѓач.
Влаховиќ има 23 гола во 62 меча за „бјанконерите“ по трансферот од Фиорентина во јануари 2022 и според италијанските медиуми не е задоволен од својата положба во клубот и од дефанзивната тактика на тренерот Масимилијано Алегри со која неговите квалитети не можат да дојдат во прв план.
Од друга страна Челси бара напаѓач, откако речиси сигурно нема да го вратат Ромелу Лукаку во составот, а се очекува да го продадат и Каи Хаверц. Јувентус бара најмалку 80 милиони евра за Србинот, за кој се заинтересирани и во Баерн Минхен.
Челси се подготвени да ги дадат Кристијан Пулишиќ, Рубен Лофтус-Чик, Трево Чалоба, Ромелу Лукаку и Калиду Кулибали во потенцијалниот договор со италијанскиот клуб.