Фудбалерот на Виган, Рајан Колклоф, цел живот ќе го памети 21 ноември. Виган синоќа играше против Донкастер, а 22-годишнот напаѓач постигна два гола.
Сепак, неговата добра игра и головите не се она што приказната ја прават интересна. Колклоф во финишот на првиот дел го постигнал својот прв гол, а втор за Виган, а на полувремето во соблекувалната дознал дека започнало породувањето на неговата сопруга.
Нервозен што не е со сопругата, тој во 53. минута добил жолт картон, а пет минути подоцна го постигнал својот втор гол. Веднаш потоа побарал замена и се упатил кон болницата.
„Кога го постигна вториот гол, излезе од игра. Беше очигледно дека психички повеќе не е присутен на теренот. И ние сме луѓе, а нè има секакви. Некој би чекал да заврши натпреварот, некој би заминал уште на полувремето, а Рајан само сакаше да биде со сопругата“, рекол помошниот тренер на Виган, Лијам Ричардсон.
Колклоф, брзајќи, не се пресоблекол, во дрес и копачки влегол во болницата точно кога се родил син му.
Претседателот на клубот, Дејвид Шарп, на „Твитер“ ја објави фотографијата на Рајан, кој е во полна опрема, со својот син.
Congrats to Ryan Colclough who scored a brace tonight in our win before being substituted to make it in time to see the birth of his son! ?? pic.twitter.com/Efvjk9P3sw
— David Sharpe (@DavidSharpe91) November 21, 2017