Дани Алвес е еден од најдобрите десни бекови во историјата на фудбалот. Бразилецот (36) обележа значаен период, а во светот на фудбалот е познат и како најтрофејниот фудбалер во историјата.
Искусниот фудбалер летово со Бразил победи на Копа Америка, а потоа реши да се врати во татковината и да потпише договор со Сао Паоло.
Алвес за бразилските медиуми преку анегдота објаснил зошто за него Лионел Меси е најдобриот фудбалер на сите времиња.
„Се сеќавам на еден тренинг. Меси правеше невозможни работи со топката, а тој тоа го прави секој ден. Тој тренинг беше поинаков. Тренерот бараше да бидеме сериозни, бараше да бидеме посветени“, рекол Алвес и продолжил.
„Лео и покрај она што го побара тренерот продолжи да лудува со топката. Секој играч го дриблаше без проблем. Во еден момент додека поминуваше покрај мене погледнав во неговите нозе и си реков: „не ова не е можно“. Копачките му беа врзани. Бев шокиран. Дриблаше некои од најдобрите дефанзивци во светот, а делуваше како да се забавува во некој парк. Тогаш ми стана јасно дека никогаш во животот нема да играм со некој каков што е Меси“, заклучил Алвес.
?️ Dani Alves: "This time, something was different… He comes running past, and I think, 'No, it's impossible.'" ?
This is quite simply one of the best Lionel Messi stories EVER!https://t.co/KkzKAtk91n
— SPORTbible (@sportbible) September 25, 2019