Иако на крајот на минатата сезона се разделија по вторпат, Барселона му понуди шанса на Дани Алвеш да тренира со каталонскиот клуб пред Светското првенство во Катар, каде што 39-годишниот ветеран очекува да биде во составот на Тите.
Алвеш во јули потпиша 12-месечен договор со мексиканскиот клуб УНАМ Пумас, откако Барселона и Чави Ернандез одлучија дека не им е потребен за новата сезона. Според „Марка“, Алвеш се приклучува на својот поранешен соиграч и тренер на Барса-Б, Рафа Маркез во работата на младинскиот тим за да остане во добра физичка форма пред Мундијалот.
Новиот тренер на Пумас, Рафаел Пуенте, потврди дека Алвеш ќе работи со Барселона, но очекува тој да се врати во Мексико за да го комплетира договорот по крајот на СП.