Дефанзивецот на Интер, Стефан де Фрај ја обвини својата поранешна агенција „Спорт ентертејнмент груп“ (СЕГ) дека нелегално се збогатила на негова сметка.
29-годишниот Де Фрај е блиску до заминување од Милано, бидејќи неговиот договор завршува во 2023 година, а нема шанси за продолжување, бидејќи дефанзивецот бара повисока плата. Покрај ова, тој ја тужи својата поранешна агенција „СЕГ“ и ќе има сослушување во Амстердам во февруари.
„СЕГ“ наводно заработиле 7.5 милиони евра од трансферот на Де Фрај во Интер – за секоја половина сезона во Милано, агенцијата заработувала 200.000 евра, а бидејќи имаат и договор за 7.5 отсто од неговите трансфери, целосната исплата ќе биде околу 15 милиони евра.
Де Фрај го раскинал договорот со „СЕГ“ кога дознал за овие исплати и сега бара отштета на суд.
#Inter, il futuro di #DeVrij si tinge di giallo: fa causa suoi ex procuratori, in ballo una quota sulla futura rivendita https://t.co/RXAk2kNDdq pic.twitter.com/Jd9lOxywsQ
— calciomercato.com (@cmdotcom) January 8, 2022