Директорот на Удинезе, Пјерпаоло Марино го обвини директорот на Јувентус, Фабио Паратичи дека се обидувал да го заплаши судијата Даниеле Чифи при драматичната 2:1 победа на Јувентус.
Удинезе водеше до 80-тата минута, пред драматичниот пресврт кој го направи Кристијано Роналдо со еден гол од пенал и еден од игра, но Марино тврдеше дека досудениот пенал беше само резултат на реакцијата на Паратичи на полувремето на мечот – директорот стоеше до тунелот каде што поминува играчите и викаше кон судијата. Протестот беше поради тоа што немаше дополнително време на полувремето, но Марино вели дека тоа е типично влијание на судијата.
„Лут сум бидејќи мојот тим имаше одличен натпревар и мора да се заштити нивната напорна работа. Слободниот удар пред пеналот требаше да биде фаул за нас. Видовте како го заплашуваат судијата на полувреме за бизарна работа. Хуан Квадрадо го фаулираше Јенс Стригер-Ларсен, а не обратно. Начинот на кој се однесуваа беше бесрамен и припаѓа на фудбал од минатото. Секогаш ќе бидам против тоа“, изјави Марино.
Udinese, Marino accusa Paratici: “Assalto a Chiffi all’intervallo per condizionarlo!” https://t.co/CQ06K3jQpQ
— TuttoNapoli.net (@tuttonapoli) May 2, 2021