Стивен Џерард ги убедува Астон вила да донесат во Бирмингем уште еден негов поранешен соиграч од „Енфилд“, Луис Суарез, кој е слободен агент по крајот на договорот со Атлетико Мадрид.
Според „Дејли телеграф“, 35-годишниот поренешен фудбалер на Барселона и на Ливерпул, бил блиску до трансфер на „Вила парк“ и во јануари, кога таму пристигна Филипе Кутињо од Барселона, но и тогаш, како и сега, главната загриженост е во високата плата која ја бара Уругваецот, но и физичките побарувања на премиерлигашкиот фудбал.
Суарез играше заедно со сегашниот менаџер на клубот, Стивен Џерард во Ливерпул четири и пол години пред да замине во Барселона во 2014 година. Тогаш тој постигна 69 гола во 110 настапи за „црвените“, по што со Барселона освои четири титуи од Ла лига и трофеј од ЛШ, за лани да биде еден од клучните фудбалери на Диего Симеоне за Атлетико да ја освои титулата со 21 гол во 32 настапи.