Италијанските медиуми тврдат дека Николо Ѕаниоло одбива да тренира со Рома и инсистира клубот да го реализира трансферот во Јувентус, а од „волчицата“ сакале да заминат и Џастин Клајверт и Карлес Перез.
Според „Кориере дело спорт“, Жозе Мурињо, кој веќе е со тимот на тренинг-камп во Португалиј се пожалил дека е „исфрустриран“ од случките во клубот, а „Ла република“ додава дека главната причина е тоа што Ѕаниоло одбил да тренира и воопшто не сакал да отпатува со тимот во Алгарве.
„Калчомеркато“ пак, додава дека Јуве не се подготвени да ги платат 50-те милиони евра во кеш, и се подготвени за замена на играчи со Артур Мело или на позајмица со обврска за купување.
Ѕаниоло не е единствениот кој бара трансфер – Перез е подготвен да замине од клубот, но нема вистински понуди, додека Клајверт, кој не патуваше во Португалија е поврзувансо Вест хем и Олимпик Марсеј.