Фановите на бразилскиот тим Португуеса имаа необичен начин на протест на поразот на нивниот тим – крадејќи им ги пиците на своите играчи по натпреварот.
По 3:0 поразот од Есте во вторникот, Португуеса (попознати како Луса) се само 12. во А2 Паулиста дивизијата (втора лига по ранг), а лутите навивачи решија да се одмаздат на необичен начин. Тие го „начекаа“ момчето кое доставува пици, му платија 300 реали (околу 75 евра), и ги изедоа пиците додека играчите ги чекаа.
Torcida da Lusa se revolta após derrota e come pizzas dos jogadores https://t.co/Wbvs6rOKZ4 via @netlusa pic.twitter.com/hgbJTyADVX
— NETLUSA (@netlusa) January 31, 2018
Дел од навивачите дури се пофалија преку Твитер и им порачаа на своите играчи.
„Ова беше премногу. Тие воопшто не играа и сега сакаат да јадат“, изјави еден навивач.
Сепак, од клубот ја сфатија ситуацијата сериозно и поднесоа официјална жалба до полицијата на Сао Пауло.