Top Sport

Енрике на оригинален начин го објави списокот за Хрвaтска и БиХ (Видео)

Шпанскиот селектор, Луис Енрике, го објави списокот на фудбалери за натпреварот во Лигата на Нации против Хрватска (15.ноември) и пријателскиот меч со Босна и Херцеговина три дена подоцна.

Тројца нови играчи повика Енрике и во националниот тим го врати левиот бек на Барселона, Жорди Алба.

Алба игра во извонредна форма од почетокот на сезоната, меѓутоа не беше во плановите на својот поранешен тренер од Барселона, Луис Енрике.

Последен пат Алба за репрезентацијата играше на Светското првенство во Русија, на 1.јули, кога Шпанија на пенали беше елиминирана во осмина-финалето од доманата селекција.

Нови имиња кај Шпанците се дефанзивецот на Еспањол, Марио Хермосо и играчите од редот за врска на Виљареал и Селта, Пабло Форналс и Браис Мендез.

Шпанскиот селектор на интересен начин, со помош на сликичките на „Панини“ го објави списокот за дуелите со Хрватска и Босна и Херцеговина.

Lista de convocados para los partidos ante Croacia y Bosnia – Herzegovina

?¡¡Ya la tenemos!! Esta es la 'colección' de convocados de Luis Enrique para los partidos ante Croacia y Bosnia – Herzegovina #UnaNuevaIlusión? http://bit.ly/Lista081118

Posted by Selección Española de Fútbol (SeFutbol) on Четврток, 08 ноември 2018

Scroll to Top