Евертон го комплетираа првиот трансфер ова лето, откако ја трансформираа позајмицата на Андре Гомеш од Барселона во постојан договор за 22 милиони фунти.
25-годишниот португалски репрезентативец имаше добра сезона на „Гудисон парк“, постигнувајќи еден гол во 27 настапи во Премиер лигата и потпиша петгодишен договор со клубот од Ливерпул. Евертон имаа конкуренција од Тотенхем и Вест хем, но Барселона преферираше да се договори со „карамелите“.
„Среќен сум што добивам договор со Евертон и одлуката не беше тешка. Знам дека клубот направи многу да ме донесе во Англија и им благодарам на тоа. Во текот на сезоната кажував дека се чувствувам дел од семејството и тоа го мислам уште“, изјави Гомеш.
?? | He's back for more… pic.twitter.com/vHMGPwq98k
— Everton (@Everton) June 25, 2019